Տղաների բասկետբոլի առաջնությունը արդեն ավարտվել է

Դեկտեմբերի 2-ին Քարահունջի միջնակարգ դպրոցում մեկնարկել է տղաների բասկետբոլի առաջնությունը: Բոլոր դասարանների միջև ընթանում էր թեժ պայքար, քանի որ բոլորն էլ գտնվում էին լավ մարզավիճակում:
Այսօր՝ դեկտեմբերի 13-ին, եզրափակիչ փուլն էր, մրցում էին 10-րդ և 12-րդ դասարանի տղաները, հաշիվը փակվեց հօգուտ 10-րդցիների՝ 73-48:
Շնորհավորում ենք 10-րդ դասարանի տղաներին և անհամբեր սպասում աղջիկների մրցաշարին:

Էս  էլ մեր հաղթողները

Դպրոցը զարդարված է

Այսօր՝ դեկտեմբերի 11-ին, Քարահունջի միջնակարգ դպրոցում տոնական տրամադրություն էր, քանի որ իրականացվում էր դպրոցի զարդարումը: Ավանդույթ է դարձել դպրոցի զարդարումը կատարել ԱԽ-ի հետ միասին , այս տարին ևս բացառություն չէր:

Այս տարվա խորհրդանիշը

Ընկեր Սարգսյանի հերթական գեղեցիկ աշխատանքը

Մեր ուսուցիչները ոչ միայն փայլում են գիտելիքներով,
այլ նաև ձեռքի շնորհքով

Ձ՜մեռ  պա՜պիկ

Ամենայն հայոց բանաստեղծին նվիրված միջոցառում

Ս/թ-ի  նոյեմբերի 29-ին Քարահունջի միջնակարգ դպրոցում տեղի ունեցավ միջոցառում՝ նվիրված Հովհաննես Թումանյանին: Միջոցառումը պատրաստված էր գրական ղմբակի կողմից:

Աշակերտները նախ ներկայացրին բանաստեղծի կյանքը` «ուղի, որ հանճար է կերտել», ապա ներկայացվեցին ստեղծագործություններն ու ինքնակենսագրական որոշ հատվածներ, որոնք կապվում էին  միմյանց ու լրացնում: «Պատկերվում» էին գրողի հարազատ գյուղի թե խաղաղ ու ներդաշնակ կյանքը, մանկական անհոգ խաղերը, թե խիստ բարքերը, որոնք ծնունդ են տվել «Մարոյին» ու «Անուշին»: 

Միջոցառման ժամանակ պարբերաբար հնչեցին երգեր, որոնք գրվել են Թումանյանի ստեղծագործությունների հիման վրա: 

Հրաժեշտ աշնանը

Ս/թ-ի նոյեմբերի 28-ին Քարահունջի միջնակարգ դպրոցի 3-րդ դասարանի աշակերտները պատրաստել էին փոքրիկ միջոցառում՝ <<Հրաժեշտ աշնանը>> խորագրով:
Դասասենյակի աշնանային ձևավորումը` բազմերանգ տերևներով, ծաղիկներով ու
փուչիկներով, ինչպես նաև երեխաների

հագուստների բազմազանությունն ու
գունագեղությունը ապահովում էին աշնանային մթնոլորտը:Միջոցառմանը ներկա էին ուսուցիչներ, ծնողներ, դպրոցի տնօրեն Ս.Սևյանը:

Երեխաները ասմունքով, պարով և երգով հրաժեշտ տվեցին աշնանը:Այսպիսով` հերթական բազմերանգ ու գույնզգույն աշունը ճանապարհեցինք` խոստանալով մեր սրտերում վառ պահել աշնանային տերևների մեղմ խշշոցը, արևի ջերմությունն ու աշնան վրձնով արված նուրբ ու անկրկնելի բնապատկերը:

Գնաս բարո՜վ, սիրելի՜ աշուն……..

Երկօրյա դասընթաց Քարահունջի միջնակարգ դպրոցի ԱԽ-ի համար

2013թ. Նոյեմբերի 17-18-ին Քարահունջի միջնակարգ դպրոցում անցկացվել է «Աշակերտական խորհրդի գործունեության հիմունքները. աշակերտական խորհրդի ձևավորման և աշխատանքների պլանավորման հմտություններե թեմայով դասընթացը Քարահունջի աշակերտական խորհուրդի անդամների մասնակցությամբ:
Դասընթացը վարեց Վորլդ Վիժն Սիսիանի տարածքային զարգացման ծրագրի համայնքային զարգացման մասնագետ Գ.Մեսրոպյանը:
Դասընթացի նպատակն է նպաստել աշակերտական խորհրդի անդամների կարողությունների բաերլավմանը` ԱԽ աշխատանքների պլանավորման և իրականացման գործընթացներում.
Դասընթացի ընթացքում աշխատանքային խմբերով մշակվեց ԱԽ-ի արժեքներն ու սկզբունքները, ԱԽ-ի իրավասությունները դպրոցում, իրենց իրավունքներն ու պարտականությունները: Այնուհետև աշակերտական խորհուրդների անդամները ծանոթացան նաև Ախ գործունեության միջավայրերին՝ գործնական աշխատանքի միջոցով:
Սյունիքի ԱԽ ցանցի անդամ Ջ.Բաղդասարյանը ներկայացրեց, թե ինչ է ԱԽ ցանցը, ինչու է ստեղծվել, ինչ նպատակներ ունի և ինչ գործունեություն է ծավալում:

Մեր առաջին դասարանցիների բաց դասի նկարները՝ նվիրված Ա տառի սերտմանը

Շնորհավոր տոնդ սիրելի ուսուցիչ

Թեկուզ կյանքում ապտակել եք նաև ինձ,
Թեկուզ նաև երկուսներ եմ ստացել,
Այնուհանդերձ, այնուհանդերձ, էն գլխից -
Ուսուցիչներ, խոնարհվում եմ ձեր առջև:

Հոկտեմբերի 4-ին Քարահունջի միջնակարգ դպրոցում, ԾԽ-ի նախաձեռնությամբ և 4-րդ դասարանցիների անմիջական մասնակցությամբ, տեղի ունեցավ ուսուցիչներին նվիրված միջոցառում:Միջոցառման ժամանակ ծնողները իրենց երախտիքի  խոսքը հայտնեցին ուսուցիչներին՝ գնահատելով նրանց մեծ աշխատանքը, երեխաները ևս ուսուցիչներին նվիրված բանաստեղծություններով և երգերով շնորհակալություն հայտնեցին:

Սեպտեմբերի մեկը Քարահունջ համայնքում

Տնօրենի ողջույնի խոսքը

Մեր առաջին դասարանցիները

Նրանք են մեր երկրի ու մեր համայնքի ապագան

Գերազանցիկները շտապում են գովասանագիր ստանալու

Սեպտեմբերի մեկ՝գիտության և դպրության օր:Ամեն տարի սեպտեմբերի մեկը առանձին ձևով ենք դիմավորում՝ անհամբեր սպասում ենք գովասանագիր ստանալու մեր հերթին, մտածում ենք , թե ինչ խոսք պետք է ասենք  ու վերջապես՝ ինքներս մեզ խոստանում այս տարի ավելի լավ սովորել:
Ամեն աշակերտի համար տոն է այս օրը և Քարահունջում ևս այն տոնվեց գեղեցիկ ու ավանդական ձևով:Տնօրենը ասաց իր ողջույնի խոսքը, հորդորեց բոլորին ավելի լավ սովորել:Գերազանցիկները ստացան  գովասանագիրներ ու խոստացան հետագա տարիներին  փայլել առաջադիմությամբ:
Ապա 12-րդ դասարանցիները 1-ին դասարանցիների ուղեկցեցին դասարան:

Հունիսի մեկ