Ծխախոտի դեմ պայքարի ազգային օրը Քարահունջ համայնքում

Հայաստանի Հանրապետությունը 2004 թվականի հոկտեմբերի 12-ին միացավ Առողջապահության համաշխարհային կազմակերպության «Ծխախոտի դեմ պայքարի մասին» շրջանակային կոնվենցիային, որը նպատակ ունի ներկա և ապագա սերունդներին պաշտպանել մարդկանց առողջության համար ծխախոտի օգտագործման և ծխախոտի ծխի ազդեցության քայքայիչ հետևանքներից:
Հայաստանի հասարակական կազմակերպությունների նախաձեռնությամբ և առողջապահության նախարարության ներկայացմամբ Հայաստանի Հանրապետության կառավարության 2008 թվականի դեկտեմբերի 18-ի որոշմամբ հոկտեմբերի 12-ը նշվում է որպես «Ծխախոտի դեմ պայքարի ազգային օր»:
Այս տարի ևս Քարահունջի միջնակարգ դպրի ԱԽ-ն  Ծխախոտի դեմ պայքարի ազգային օրվան նվիրված կինոդիտում կազմակերպեց, որին մասնակցեցին 10-րդ և 11-րդ դասարանների աշակերտները:Ֆիլմից հետո ծավալվեց լայն քննարկում, ուսուցիչները կոչ արեցին երբեք չծխել ու չվնասել օրգանիզմը:

ԱԽ նախագահական ընտրություններ

Ս/թ-ի հոկտեմբերի 8-ին Քարահունջի միջնակարգ դպրոցում տեղի ունեցավ ԱԽ նախագահի ընտրություններ:Իր թեկնածությունը առաջադրել էր միայն մեկ թեկնածու՝Տաթևիկ Բաղդասարյանը:Ընտրություններին մասնակցեցին 6-12 դասարանների 89 աշակերտ, 74-ը կողմ էին քվեարկել,8-ը դեմ, իսկ 7 քվաթերթիկ անվավեր էր ճանաչվել:ԱԽ նախագահ ընտրվեց Տաթևիկ Բաղդասարյանը:

Հայտարարություն

Ս/թ-ի հոկտեմբերի 7-ին Քարահունջի միջնակարգ դպրոցում տեղի կունենա ԱԽ նախագահի ընտրություններ:Նախագահի թեկնածություն է առաջադրել Տաթևիկ Բաղդասարայանը: Ընտրությանը կմասնակցեն 6-12-րդ դասարանի աշակերտները:

Շնորհավոր տոնդ սիրելի ուսուցիչ

Թեկուզ կյանքում ապտակել եք նաև ինձ,
Թեկուզ նաև երկուսներ եմ ստացել,
Այնուհանդերձ, այնուհանդերձ, էն գլխից -
Ուսուցիչներ, խոնարհվում եմ ձեր առջև:

Հոկտեմբերի 4-ին Քարահունջի միջնակարգ դպրոցում, ԾԽ-ի նախաձեռնությամբ և 4-րդ դասարանցիների անմիջական մասնակցությամբ, տեղի ունեցավ ուսուցիչներին նվիրված միջոցառում:Միջոցառման ժամանակ ծնողները իրենց երախտիքի  խոսքը հայտնեցին ուսուցիչներին՝ գնահատելով նրանց մեծ աշխատանքը, երեխաները ևս ուսուցիչներին նվիրված բանաստեղծություններով և երգերով շնորհակալություն հայտնեցին:

ԱԽ ընդհանուր ժողով

Ս/թ սեպտեմբերի 10-ին ժամը 14:30-ին Քարահունջի միջնակարգ դպրոցում տեղի ունեցավ ԱԽ ընդհանուր ժողովը, որին  մասնակցում էին 6-12 դասարանների աշակերտները:
Ժողովը սկսվեց տնօրենի ուղերձով, որը գնահատեց 2012-13թթ-ի ԱԽ-ի կատարած աշխատանքները,
ապա ՄԿԱ գծով փոխտնօրենը ներկայացրեց նոր ուսումնական տարվա ընթացքում կազմակերպվելիք արտադասարանական և արտադպրոցական աշխատանքները,:ԱԽ նախագահ Ջուլիետտա Բաղդասարյանը ներկայացրեց 2012-13թթ ԱԽ տարեկան հաշվետվությունը և վերջում ընդուվեց ԱԽ կանոնադրությունը,  թվակազմը և ընտրությունների  ժամանակացույցը:

Հայտարարություն

Ս/թ սեպտեմբերի 10-ին ժամը 14:30-ին Քարահունջի միջնակարգ դպրոցում տեղի կունենա ԱԽ ընդհանուր ժողովը:Ովքեր ցանկանում են տեղեկանալ ԱԽ- ի կատարած աշխատանքներին՝ այս մեկ տարվա ընթացում, կարող  են ճիշտ ժամին ներկայանալ:
Օրակարգում տեղեկայված են.
1.Տնօրենի ուղերձ
2.<<ՈՒսումնական տարվա ընթացքում արտադասարանական և արտադպրոցական աշխատանքների կազմակերպում>>-ՄԿԱ գծով  փոխտնօրեն /Արմեն Մկրտչյան/
3.<<Աշակերտական խորհրդի գործունեության տարեկան հաշվետվություն>>-ԱԽ նախագահ/Ջուլիետտա Բաղդասարյան/
4.Ընդհանուր ժողովի կողմից ընդունվելիք որոշումների նախագծերի ներկայացում և քվեարկության կազմակերպում հետևյալ հարցերի վերաբերյալ.

• ԱԽ կանոնադրության հաստատում
• Դպրոցի ԱԽ թվակազմի հաստատում
• Ընտրական հանձնախմբի կազմի հաստատում
• ԱԽ ընտրությունների ժամանակացույցի հաստատում

5.ԱԽ ընդհանուր ժողովի ամփոփում

Սեպտեմբերի մեկը Քարահունջ համայնքում

Տնօրենի ողջույնի խոսքը

Մեր առաջին դասարանցիները

Նրանք են մեր երկրի ու մեր համայնքի ապագան

Գերազանցիկները շտապում են գովասանագիր ստանալու

Սեպտեմբերի մեկ՝գիտության և դպրության օր:Ամեն տարի սեպտեմբերի մեկը առանձին ձևով ենք դիմավորում՝ անհամբեր սպասում ենք գովասանագիր ստանալու մեր հերթին, մտածում ենք , թե ինչ խոսք պետք է ասենք  ու վերջապես՝ ինքներս մեզ խոստանում այս տարի ավելի լավ սովորել:
Ամեն աշակերտի համար տոն է այս օրը և Քարահունջում ևս այն տոնվեց գեղեցիկ ու ավանդական ձևով:Տնօրենը ասաց իր ողջույնի խոսքը, հորդորեց բոլորին ավելի լավ սովորել:Գերազանցիկները ստացան  գովասանագիրներ ու խոստացան հետագա տարիներին  փայլել առաջադիմությամբ:
Ապա 12-րդ դասարանցիները 1-ին դասարանցիների ուղեկցեցին դասարան: